Kaarawan lang naman

kaarawan ay sadyang dumarating nang hindi namamalayan

parang nung isang araw lang ay yung nakaraang kaarawan

edad at taon ay madaragdagan na naman

pwede bang wag na lang ?

kaysarap ibuhol ng kahapon sa ngayon 

noong sumasabay pa lang ako sa alon

walang problema at palagi lang patalon'talon

pero ang kahapon ay sadyang di na makakarating sa ngayon

maaari bang ulitin ang mga araw na ako'y isa pang manlalaro ?

nang trumpo , taguan , patintero at tumbang preso

kaligayahan ko lang ang di mataya sa kahit anong larong ito

pero kapag sa akin na ang torno , parang guguho na ang mundo

gulang na pinakaiingatan ay muling madaragdagan

ng isa pang taon ng hindi kasiguraduhan

sa mundong walang makitang lagusan

sa daigdig na nilikha Niya na atin namang dinudungisan

wala akong tatanggaping kahit anong regalo sa araw na 'to

ang nais ko lang ay bigyan nyo pa rin ako kahit ayaw ko

sapagkat sayang lang ang regalo kung walang pagmamahal ito

at kung wala talaga , maari bang ikaw na lang ang mahalin ko ?

sanay ako'y inyong tulungan sa paghahanda ng wala naman

upang kung dumating ang nino man , may ipapakain akong wala naman

gusto ko lang naman na masaya ako , ikaw at tayo sa aking kaarawan

kaysarap kaya sa pakiramdam kung walang kalungkutan ang masisisilayan

kung nagbabalak kang bumati sa akin

dapat ay alam mo ang petsa , yan ay yung siguraduhin

wag ka lang umasa na ika'y may makakain

pagkat sa aking araw ay T5 ang aking ihahain

walang hanggang pasasalamat para sa inyo

wag kayong mag'ingat baka tanga kayo

kung ito man ang huling kaarawan ko

kitakitz na lamang tayo doon .. sa empyerno ..

HEKASI FOR GRADE 10

     Paano kaya kung walang buwan at araw ?
     Wala ring gabi at umaga ..
     Walang taon ..


             Walong taon na ang nakalipas noong una kong narinig ang HEKASI , ang asignaturang tumatalakay at pinakikialaman ang Heograpiya , Kasaysayan at Sibika . paano kaya nalaman ng mga manunulat ng libro na sedula nga ang pinunit ni Apolinario Mabini at hindi ticket sa lotto ? paano rin kaya nila nalaman na ang unang mga taong nairahan sa Pilipinas ay mga Malay ? aba'y malay ko .. so I therefore conclude mga tsismoso sila !  Siguro ay alam rin nila kung sino ang unang Pilipinong tumawa .. sino kaya ? paano kaya nila nalaman na ang buong tunay na pangalan ni Jose Rizal ay "JOSE POTTASIUM ALINSHUM REALONDARIUM RIZAL"? sana alam rin nila at kanilang ipinalam sa lahat kung ilan nga ba ang mga mapuputing buhok ni Manuel L. Quezon .. at kung paano tinalo ng mga magigiting na Plants ang mga Zombies.
         
               Hinding hindi mawawala ang mga abbreviations pagdating sa exams at quizzes sa HEKASI  .. narito ang ilan sa mga natutunan kong mga abbreviations . 


DOE - Department of  Engineering 
DepEd - Don't Eat Pets Especially Dogs
MMDA - Metro Manila Direct Assault
DOH - Departure of Hulk
BIR - Basket Interference Rule
UNESCO - UNlimited NEtworking Social City Ordinance


               Sana isinali nila sa mga bagong libro ang mga ito : DDS , FB , YM , SMB , NBN , IBC , ABS-CBN ,GMA at CP . Sana nga para may matutunan na bago .


               Sa Hekasi ko rin nalaman na ang ating mundo pala ay hindi talagang bilog na bilog . at ang tawag sa hugis ng mundo ay " OBLAGATE SPEEDJONG " .Pero paano kaya nila nalaman na ang north pole ay nasa hilaga ? na ang kanluran ay ang direksyon kung saan marami ang pakialamero ? at kanina pang tumatakbo sa isip at laman loob ko na kung bakit ang Pilipinas lang ang natatanging mahirap na bansa na kung saan halos lahat ng tao ay ma cellphone at may FB account ? at sana ay maisulat at maibahagi rin sa lahat kung bakit naghihirap ang mga mahihirap habang ang iba'y naninirahan sa isang bahay na malaki pa sa kanilang pag'unawa ..HEKASI politiko .. kaya siguro ganun ..

Ang Dahon Na Magaling

berde ang kulay ng dahon na magaling .

magaling magpagaling ng mga sakit na di napapagaling ng mga magagaling na doktor .

galing ito sa lupa pero sa hangin inililipad ang sobrang hindi naipasok sa katawan .

mabisang lunas sa sakit sa puso , lalo na kung ang puso mo ay may sakit .

madali lang itong gawin . sundin mo lamang ang mga ito :

 pumitas ka nang nasabing dahon ( ang dahon na magaling ) 

 ilagay ang dahon ( ang dahon na magaling ) sa ibabaw ng kahit anong bagay na may ibabaw at pumitas ng konting araw 

 pagkatapos maarawan ng dahon ( ang dahon na magaling ) utusan mo ang iyong nanay na kumuha ng bibliya .. nakuha mo na ba ? kapag nasa iyo na ang bibliya  , paalisin mo agad ang iyong nanay o ikaw na lang kaya ang umalis .. ipagpalagay natin na nakaalis ka na nga sa nasabing lugar at siguraduhin mong walang nakasunod sa iyo .. baka di tumalab ang dahon ( ang dahon ni baleleng ) at di ito umepekto , sayang naman . pumunit ka ng isang pahina ng mahiwagang libro na kanina mo pang bitbit . ilagay sa gitna ng papel ang nasabing dahon ( ang dahon na magaling ) at lukutin ang papel na parang sigarilyo at sindihan mo agad . bilis . close up please , make sure walang bulok .. next .. hithitin mo  .. tapos sindihan mo ....mali , sindihan mo muna saka mo hithitin ..kung may usok na lumabas ay wag kang magtataka .. dahil di ka tanga , sinindian mo yan kanina . hithitin mo ang usok , siguraduhin mong walang makakawala .. lunukin mo .. pagnaubos mo na , umuwi ka sa inyo .. umupo ka sa ibabaw ng mesa kunin ang salamin at titigan ang iyong mata .. namumula at namumungay diba ? yan na ang palatandaan na magaling ka na .. tumawa ka .. tawa ulit .. ganyan .. ok na .. magaling ka nang gumamit ng dahong magaling .. ibahagi mo sa iba ang iyong natutunan ha ? cge ingat :)

AN AT AP

kailan ba kita mahahawakan ?
talagang ika'y suntok sa buwan
pagkat labing anim na buwan
na kitang pinagmamasdan
ni hindi mo nga ako nginitian
pero sana ako ay iyong pakinggan
hindi kita iiwan
sumpa man kahit ika'y ganyan
hindi kita tatawaging 'pasayan'
pagkat mula ulo hanggang talampakan
diyan kita nagustuhan
kahit meron man akong makasuntokan
basta't ikaw ang aking ipinaglalaban
wag lang tayong umabot na ako'y pagla lamayan
dahil ibang usapan na 'yan
matagal na kitang pangarap
kahit noong pangulo pa si erap
ngunit talagang napakahirap
ang hirap mong mahagilap
basta't mula sayo kahit 'uyap'
ako'y talagang sarap na sarap
kahit isa man lang sulyap
na mula sa iyo'y para sa'kin ay masarap
kahit ika'y sanay sa sarap
at ako'y buhay mahirap
pag ako nakasama para kang nasa alapaap
maglalakbay tayo sa ulap
kukurutin natin ang mga kulisap
mga masasamang kulisap
na sa akin ay gustong humarap
pero bakit masaklap ?
sa facebook aking nakalap
'in a relationship' ang status ..talagang masaklap
talagang hindi ko matanggap
titrahin na lang kita pag nakasali ako sa fliptop
pero salamat na rin at ako'y nakahanap
ng isang  bago kong pangarap
na mananatili paring isang pangarap
kahit hindi siya masarap
ayos lang basta't madaling mahingan ng softdrinks na POP
kaya para sa kanya isa pa ring ..klap ..klap ..klap ..

debt insayd

kung nabibili lang ng kaibigan ang pera , marami na akong pera .

kung palaging nabibili lang ng pera ang kaibigan , wala na akong kaibigan .pero di ganun men .. kung ang facebook lang ang pagbabasehan , 700+ na ang friends ko doon .. pero iilan lang ang kakilala ko at iilan lang din ang nakakakilala sa kin .. naging friend ko sila dahil sa pangalan nila at hindi dahil sa profile pictures nila .. may kaibigan na parang walang pakialam pero ang hilig palang makialam nang hindi natin alam ..meron rin namang mga kaibigan na gusto mong pakialaman ka nila , mapaganun ,gan'to at ganyan . pero ang pinaka nakakainis ay yung kaibigan na inalok mo na , tapos aayawan ka at maya'maya papayag rin pala . para bang isinubo mo sa kanya ang pagkain tapos kinain niya .. isinuka at kakainin ulit at sasabihin sayo'ng " ang damot mo ! pahingi ulit ! " ..

Lakbay Diwa by ASIN

ohh aking kaibigan na namumungay ang mata

dahil lang sa usok na hindi ibinuga

mayroon pa ba dyan pahingi naman

upang ang pangit ay magiging maganda

kumikislap na ilaw ohh kay gandang tignan

kung tanungin mo sya iisa ang dahilan

nababangga sa poste sa malawak na daan

sa tanghaling tapat nakakita ng buwan

ohh aking kaibigan ibigay mo na

ilabas mo na kitang kita sa mata

langaw na dumaan sa harapan nya

ay kina usap nya at napatulala

pagkat buong akala’y madadagganan sya

ohh oohh ang sabi pa nya

ohh aking kaibigan alas ang tinira

tinodo na lahat

tumirik ang mata

ohh aking kaibigan na hindi na nadala

pagkaraan ng araw ay aking nakita

naglalakad ng mag isa at nagsasalita

sya’y naging dakila dakilang tanga

muling pagkikita (WES'06)

ang balita ko'y muling magkakasama 

sabik na muling magkitakita

apat na taong walang balita

ngayon ? malalaki na

kayrami sa atin ay nagbago

ang dating minsan lang umiimik

ngayon ay naiingayan na ako

bat di ka na lang kaya manahimik ?

pag-uusapan daw ang muling pagkikitaan

magkikita sa harap ng dating paaralan

pero ang ending nyan ?

magdamag mag-iinuman

may kanya kanya nang mga bisyo

mapainom hanggang sigarilyo

ang iba'y meron ng nobya't nobyo

di nila alam na may isang naghihinalo

may biglang gumwapo't gumanda

talagang nakakahumaling ang mukha

hindi mahahalatang noon ay uhugin siya

subalit ngayon ..ay mapag-iisipan mo nang masama

sa bawat pagkikita

meron ka talagang gustong makita

ang taong dating nagpapaalala

na talagang may bukas pa

ang pagnanasang itinago

hindi mailabas noon pagkat bata pa tayo

pero ngayong malalaki na

may pag-asa ba ?

nasaan na ang iba ? tanong ng isa

balita ko'y may pamilya na

at ang anak ay madadagdagan pa

sana kayoy masaya

pinag-uusapan ang mga dating kulitan

at pilit inaalala ang bawat halakhakan

napakasarap talagang balik-balikan

ang pagsasamahang sa paaralang may multo inumpisahan ..