Bantog sa kinatibuk-an, balita mikuyanap
Dugdog sa kahitas-an, liti dala'ng dilaab
Sa akong nabasahan, tingali kumpyansa lang
Sa akong nadungog, naa kuno'y mibulabog
Sila nga nagkatawa, ginakataw-an ang nahitabo
Sila sab ang nag-una, nag atang sa libre nga aso
Usa, duha, tulo, upat o lima man kabalikan
Di madala'g utong ang inyong tinarasan
Di madala'g itama ang mali sa maling binuhatan
Hinlo nga tubig, nasagla'g lapok, tin-aw pa ba?
Pataka'g sablig, usa ka tapok, tin-aw ang mata
Makasasala man, naa gihapo'y ka maayo
Aminado mo nga usa mo sa naka benepisyo
Nagkadaiya man ang atong mga prinsipyo
Apan dili baya adlaw-adlaw ang bagyo
Way angay dapigan, di sab angay panalipdan
Way pulos ang pagbag-o kung nag-agad ra sa uban
Kay kitang tanan, di makaangkon, kita biktima lang
Sa usa ka dakong bakak nga di kaya'ng talikdan.
