It's already 3AM.
Naa ko's Dauis Bridge.
"Every Filipino support Duterte!", singgit sa usa ka hubog nga babayeng batan-on.
Mukhang mayaman, datu gyud kay nakasakyanan man.
Daghan sila, mga walo. Bae ra'g bayot.
Samtang galalis ang mga inosente sa alak.
Ang mga bayot adunay balak. Balak nga tinagalog.
Mipadayon ang usa, "Ganahan ko niya kay wala nay drugs", sabay sindi sa Marlboro blast nga ganiha rang gihawiran.
Ang bayot misingit, "We go there this week, let's eat that Korean restaurant."
"You know what? Duterte is the best President!", singgit sa duha ka palaigit sabay cheers.
Sa mga wa masayod, ako, magpahibalo lang
Naa gihapoy shabu apan mas mahal lang
Mudiga gihapon si migo apan pinatago lang
Musuyop gihapon si angkol apan bali dos lang
Limpyo? Oh malamang. Limpyo ang mga nag unang mga laaganan
Apan ang mga wa kaayo suroya? Halos gipasagdan
Likayi ang basura kay basin ang bildo matumban
Ang nahitabo sa Pilipinas sa premiro kay WOW
Karon, makaingon ko nga nahimo rag sama sa Dabaw
Way laing tingog ang maglabaw
Ilang presensya maoy gipatigbabaw
It's 3:38.
Naa gihapon ko sa junction dapit
Mga bayot nagkadaiya na'g ka sirit
Ang adlaw wa pa misilip.
